السلام عليكم
هلا وغلا فيكم ويامرحبابكم وبتواجدكم الطيب
والسموحه منكم بس قبل لا اذكر القصه
ابي اقول على شي ترى الله موجود
وربنا مايضرب بعصى وكما تدين تدان
والله يستر علينا وعلى أمة المسلمين أجمعين يارب
والله يحفظ الجميع من هالشر ومن هالناس والقلوب الحقوده
والسموحه مابودي أطول عليكم ولاكن راح أتركم مع القصه
وماراح اطول عليكم بالشرح ولاكن بييبلكم اياها بالمختصر المفيد
.................................................. ......
قصه منبعها من الشارقه تقريبا وهو عن شاب او رجل كبير في السن قليلا
ومتزوج ولاكن قلبه اسود همه في البنات وبس وهمه في اللعب والتلاعب بمشاعر الناس
مرت الايام والسنين وهو متنقل من بنت الا بنت ثانيه
نصحوه الكثير وحذروه من هالشي وحتى نسها زوجته كانت تحذره من هالشي
ولاكن لا حياة لمن تنادي وكانه مثل الأطرش في الزفه
مرت الايام والريال طايح في هالبنات ويوزع صورهم على ربعه وكل ماوحده طرشتله صورتها
أتصل في فلان عندك وسايط قاله عندي قال استقبل هالصوره
ودارت الايام وهو على هالمنوال والله اعلم كم صوره طرشها لربعه
ونتو فكرو معاي صوره اطرشيها لربيعي واربيعي يطرشها لربيعه كم سيئه خذى
الله المستعان في هالشي والله يسامحه
ومابودي اطول عليكم وفجأه يوم من الايام ياله ربيعه وقاله استقبل هالصوره
يايبنها لك فريش ويديده ... والصوره عباره عن وحده لاحول ولاقوة الا بالله من دون ملابس
استقبل الصوره ولما شافها جاته الصدمه الكبرى ...؟؟
.......................................
(((((((((((((((((((((( أختـــــــــــــــــــــــــــــــــه ))))))))))))))))
لاحول ولا قوة الا بالله والله يجيرنا من هالشي والله يبعد عنى هالمشاكل
والله لايبلينا في هالمواقف والله الواحد يخاف على شرفه
هالناس الي ماعندهم لارحمه ولا ظمير كيف يرضونها لأنفسهم
ومثل مايقولك كما تدين تدان
والله سبحانه مايظلم عباده .............. ومن شدة الدهشه والصاعقه
الريال ماقدر يستحمل هالشي وماقدر يصدق الي يشوفه جدامه
خويته صورتها عند اربيعه وهي من دون اي لبس..؟؟
ومن شدة الإنهيار سار الريال وحرق عمره .... وودوه المستشفى وترقد
ومن شدة الحرق ماقدر يستحمل وعطاكم عمره وهي بين ايدي سبحانه
ادعو ياجماعة الخير انه ربنا يخفف عنه العذاب والله يغفر له ذنوبه انشاء الله
الإنسان لو كان غلطان ولو كانت غلطته مثل زبد البحر
بس لو الناس تدعيله بالخير يمكن هالشي يشفعله يوم القيامه
ومابودي اطول عليكم ولو انه القصه طويله لاكن اتمنى انه القصه واظحه لكم
وإن لله وإن إليه راجعون
ولاحول ولا قوة الا بالله العلي العظيم من كل ذنب عظيم
وأستغفر الله ولاحول ولاقوة الا بالله
والله يجيرنا من هالشي ومن هالأمور الي تخلي الواحد يكون في مواقف الله لا اييبها
وأتمنه للكل الطمأنينه والراحه وربي يحفظكم جميعا
وملقانه الجنه بإذن الله بس إنتو ادعو ياجماعة الخير
والله يحفظنا ويحفظ أمة المسلمين يارب
والسوحه منكم وربي يحفظكم
وشاكرلك تواجدكم الطيب وتقبلو تحيااااااااااااااااااااااااااااااتي
__________________